EXPO ІСКЕРЛІК ОРТАЛЫҒЫНДА ASTANA IT UNIVERSITY ТАНЫСТЫРЫЛДЫ

Жаңа университеттің оқытушылары мен студенттерімен ҚР Премьер-Министрінің орынбасары Бердібек Сапарбаев, Цифрлық даму, инновациялар және аэроғарыш өнеркәсібі министрі Асқар Жұмағалиев, Білім және ғылым министрі Асхат Аймағамбетов кездесті

Биылғы жылы университет Ақпараттық-коммуникациялық технологиялар, Ақпараттық қауіпсіздік, Телекоммуникациялар, Бизнес және менеджмент сияқты оқыту бағыттары бойынша 614 студентті қабылдады. Бұл Қазақстанның барлық аймақтарынан, соның ішінде физика-математикалық бағыттағы мамандандырылған мектептерден келген түлектер. Astana IT University-де дайындық үш жылға есептелген.

"Сіздер күрделі байқаудан өтіп, маңызды жеңіске жеттіңіздер. Сіздерді алда ең үздік жарқын жаңалықтар күтіп тұрғанына сенімдімін. Мемлекет бізге ЭКСПО-ның тарихи аумағында ең үздік идеялар жүзеге асырылатын және инновациялардың барлық түрлері жүзеге асырылатын бірегей ғимарат сыйлады. Дәл осы жерде еліміздің экономикасын одан әрі дамыту үшін IT саласындағы стартап-жобалар жүзеге асырылатын болады", - деп "Нұрсұлтан Назарбаевтың Білім беру қорының" директоры Динара Құлыбаева студенттерді қарсы алды.

Студенттерді шетелдік және қазақстандық жетекші профессорлар, зерттеушілер мен практиктер оқытатын болады. Университетте шығармашылық жұмыстарға арналған арнайы аймақтар, стартап-жобаларға арналған коворкинг-орталық, Open Space алаңы және CISCO, Cyber labs оқу зертханалары, Project management IPMA бойынша халықаралық сертификаттау орталығы ұйымдастырылған.

Университеттің серіктестері АХҚО, Astana HUB және SAP University Alliances болып табылады. Huawei, ASBIS (APPLE компаниясының ресми дистрибьюторы), CISCO, Cyber labs, IPMA – Project management, 1C, HP, KPMG, Kolesa GROUP, ChocoFamily, Qaztech Ventures және Qazaq Cybersport Federation халықаралық сертификаттау орталығымен меморандумдарға қол қоюдың аяқталу сатысында. .

EXPO іскерлік орталығының аумағында орналасқан Astana IT University ең заманауи әдістемелер бойынша ақпараттық технологиялар саласында оқытудың флагманы болуға арналған. Осылайша, Тұңғыш Президент-Елбасының бастамасымен қолға алынған кезекті серпінді жобаның іске қосылуымен EXPO іскерлік орталығы заманымыздың ең ауқымды және инновациялық кластерлерінің біріне, іскерлік, ойын-сауық және көрме жобаларын біртұтас архитектуралық шешіммен бір кешенде біріктіретін жаһандық және бірегей экожүйеге айналды. .

----

Біздің компания осы жобаны жүзеге асыру үшін өз біліміміз бен күш-жігерімізді жұмсағанымызды мақтан тұтады. 2019 жылы IT University жобасының бас мердігері болып табылатын Bi-Group компаниясының тапсырысы бойынша біз қуаттылығы 1 мегаватт болатын БЭЖ жеткізіп, монтаждадық, бұл университеттің электр энергиясымен үздіксіз қамтамасыз етудегі барлық қажеттіліктерін өтейді.